Охирги кунларда ҳарорат кечаси 13-18 даража, кундузи 25-30 даража атрофида бўлди, бу кўрсаткичлар шу давр учун хос бўлган меъёрлардан 3-5 даражага пастдир.
Ўзгидромет хабарига кўра, 19 августдан бошлаб Ўзбекистон ҳудудидан салқин ҳаво чекинишни бошлаб, кейинги кунларда об-ҳавога жануби-ғарбий ҳаво оқимлари таъсир кўрсатиб, ҳарорат бироз кўтарилади. Аммо, юқори кўрсаткичлар бўлиши кузатилмайди.
«Шу кунларда ҳарорат меъёрдан 2-3 даражага юқори бўлиб, кечаси 15-20 даража, кундузи 30-35 даражани ташкил қилади», - дейилади хабарда.
