Ўзбекистон Республикаси Миллий гвардиясининг Матбуот хизмати хабар қилишича, жорий йилнинг 28 июль куни тунги соат 01:30 да Чилонзор тумани 16-мавзеда жойлашган МЧЖ “NIKA FARM SERVIS” дорихонасидан Миллий гвардия Қўриқлаш бошқармаси Мониторинг марказига “ташвиш” хабари келиб тушган.
Дорихонанинг кириш эшиги қулфини бузиб, ўғрилик мақсадида кирган ва воқеа жойидан яширинишга ҳаракат қилган номаълум шахс тезкор ҳаракатланувчи гуруҳ томонидан қўлга олиниб, тумандаги 5 сонли ИИБга топширилган.
Дастлабки суриштирув ишлари натижасида ушбу номаълум шахс 1991 йилда Сирдарё вилоятида туғилган М.Х. эканлиги аниқланган. Ҳолат юзасидан тумандаги Ички ишлар идораси ходимлари томонидан суриштирув ишлари олиб борилмоқда.
