Бугун, 15 июль куни Ўзбекистон футбол ассоциациясининг навбатдан ташқари конференцияси бўлиб ўтди.
Конференцияда Ачилбай Раматов ўз хоҳиши билан истеъфога чиққани маълум бўлди. Шу сабабли Азизов Абдусалом Абдумавлонович бир овоздан Ўзбекистон футбол ассоциацияси президенти лавозимига сайланди.
Бундан ташқари, Равшан Эрматов Ўзбекистон футбол Ассоциацияси биринчи вице-президенти, Муҳиддин Жўраев эса вице-президенти лавозимига сайланган.
