Кун давомида боғ ҳудудидан ўрин олган уруш даврига оид ҳарбий техникалар, қурол-аслаҳа ҳамда ўша даврни ўзида ифодалаган кўргазмалар намойиш этилди.
Республика аҳолисига қулайлик яратиш мақсадида боғ ҳудудига 11-12 май кунлари бепул кириб-чиқиш таъминаланади.
Шу кунларда боғ ҳудудидан ўрин олган барча экспозициялар тўлалигича фаолият кўрсатади. Саҳна кўринишлари такроран соат 10:00, 12:00, 14:00, 16:00 ва 18:00да қўйилади.
Ҳозирда боғда Иккинчи жаҳон уруши даврига оид “Т-34”, “ИС-2” танклари, ўзиюрар артиллерия қурилмалари, Шоаҳмад Шомаҳмудовнинг оиласига бағишланган экспозиция, уруш йилларида фаолият олиб борган қишлоқ кенгаши биноси, зирҳли ва ҳарбий автомобиль намуналари ва бошқа шу турдаги кўплаб инсталляциялар ўрин олган.
