ИИВ ЁХББнинг хабарига кўра, 26 февраль куни 17:45да Тошкент шаҳар ИИББ ЁХБ Куч ва воситаларни бошқариш ва мувофиқлаштириш марказига Тошкент шаҳар Сергели тумани Хонабод кўчасида жойлашган “Grand Roud Tashkent” ҚК МЧЖга қарашли капитал таъмирланаётган "асфальт ва темир-бетон маҳсулотлари”ни ишлаб чиқариш биносида ёнғин содир бўлаётганлиги тўғрисида хабар келиб тушган.
Хабар асосида зудликда кўрсатилган манзилга соат 17:46да жами 6та асосий ёнғин ўчириш экипажи ва 1 та автонарвон жалб этилган. Бўлинмалар соат 17:54да воқеа жойига етиб бориб, ёнғин соат 18:34да қуршаб олинган ва соат 18:41да тўлиқ бартараф этилган. Ҳалок бўлган ва тан жароҳати олганлар йўқ. Ёнғин оқибатида, “асфальт ва темир-бетон маҳсулотлари”ни ишлаб чиқариш биносининг 600 кв.м. майдонда том қисми ёниб зарарланган. Ёнғиндан бино томининг 1740 кв.м. майдони сақланиб қолинган. Ёнғиннинг таҳминий сабаби, электр пайвандлаш ишларини олиб боришда ёнғин хавфсизлиги талабларининг бузилиши. Моддий зарар миқдори аниқланмоқда.
