Аввал хабар берганимиздек, Тошкент вилояти, Қибрай туманида жойлашган вилоят электр тармоқларига қарашли электр станциясида ёнғин содир бўлган.
Шу сабабли, шаҳримизнинг Мирзо Улуғбек, Яшнобод, Миробод, Бектемир, Юнусобод, Олмазор, Учтепа ва Яккасарой туманларининг сув босимида пасайишлар ҳамда айрим туманларда узилишлар бўлган эди.
Тошкент шаҳар ҳокимлиги матбуот хизматининг хабар беришича, юзага келган носозликлар вилоят электр тармоқлари корхонасининг ходимлари томонидан шу куннинг ўзида кечки соат 23:00 да бартараф этилган.
Ҳозирда Тошкент шаҳри аҳолисига узлуксиз ичимлик суви етказиб бериш таъминланган.
