Ушбу маълумотни ТИВ консуллик-ҳуқуқий департаменти тасдиқлади.
Ўзбекистон ТИВ матбуот хизматининг хабар беришича, ҳодиса жорий йилнинг 2 январь куни Ёнгнам шаҳрида содир бўлган. Мамлакатимиз фуқароси Шарофиддин Чориев “DHMC” заводида ишлаётган вақтида бош мия жароҳатидан вафот этган.
“Ўзбекистон элчихонаси томонидан марҳум танасини ватанга жўнатиш учун ўлим ҳақидаги гувоҳномани расмийлаштиришда кўмак кўрсатилди”, - дея таъкидланган хабарда.
Қайд этиб ўтамиз, Шарофиддин Чориев Ўзбекистон Республикаси Бандлик ва меҳнат муносабатлари вазирлигининг Ташқи меҳнат миграцияси масалалари агентлиги орқали Корея Республикасига борган.
Ҳозирда суд-тиббий экспертизаси бўйича ишлар олиб борилмоқда.
