Ўзбекистон Республикаси ДБҚ матбуот хизматининг хабар беришича, Навоий вилояти божхона бошқармаси Контрабанда ва божхона қонунчилиги бузилишига қарши курашиш бўлими томонидан ҳуқуқни муҳофаза қилувчи идоралар вакиллари билан ҳамкорликда Кармана туманида тезкор тадбир ўтказилган.
Натижада фуқаро Б.Ф. оғирлиги 5.2 кг., 2 турдаги 6300 донадан ортиқ пиротехника воситаларини 6,7 млн. сўмга сотаётган вақтида фош қилинган.
Бундан ташқари, Ғиждувон туманида истиқомат қилувчи фуқаро Р.Ж. 7.7 кг.дан ортиқ оғирликдаги ва 2 турдаги пиротехника воситаларини сотишга уринган вақтида ашёвий далиллар билан қўлга олиниб, ундан олиб қўйилган 9005 дона пиротехника воситаларининг умумий қиймати 10 млн. сўмни ташкил этган.
