Жиноий тўда таркибида 1999 йилда туғилган Б.Х., 1994 йилда туғилган М.А., 1993 йилда туғилган М.А., 1993 йилда туғилган Ш.В., 1994 йилда туғилган Э.У., 1988 йилда туғилган А.Н.лар бўлган ва улар олдиндан жиноий тил бириктириб, моддий даромад орттириш мақсадида, аёлларнинг телефон аппаратларини тортиб олиш билан шуғулланишган.
2018 йил 2 август куни тахминан соат 20:40ларда Чирчиқ шаҳар 2-кичик ноҳия ҳудудида Спарк русумли автомашина ичида ўтирган 1993 йилда туғилган М.Н.га ҳужум қилиб, унга тегишли “ZENFONE MAX” русумли телефон аппаратини очиқдан очиқ талон тарож қилиб, воқеа жойидан номаълум томонга қочиб яширинишган.
Бундан ташқари, шу куни гуруҳ аъзолари 1974 йилда туғилган З.К. ва қизи 2002 йилда туғилган С.К.лар ҳамда 1994 йилда туғилган М.А.ларга нисбатан ҳам талончилик қилишиб, тош ва бошқа буюмлар билан тан жароҳати етказиб, уриб қўл телефонларини олиб қочиб кетишган.
Ушбу жиноятни содир этганлиги учун бу ёшлар Ўзбекистон Республикаси Жиноят Кодексининг тегишли моддаларига кўра, жавобгарликка тортилди.
