Тўлов ташкилоти лицензиясига эга бўлган Payment Aggregation Systems МЧЖ томонидан QIWI Uzbekistan электрон пуллар тизими фаолиятини ташкил этиш ва «Капиталбанк» АТБ томонидан мазкур тизимнинг эмитенти сифатида электрон пулларни чиқариш фаолияти бўйича тақдим этилган ҳужжатлар МБ томонидан ўрганиб чиқилган.
Ўрганиш натижасида, «Ўзбекистон Республикаси ҳудудида электрон пулларни чиқарилиши ва муомалада бўлиши қоидалари»га кўра, QIWI Uzbekistan электрон пуллар тизими Марказий банкнинг Электрон пуллар тизими реестрига киритилиб, электрон пулларнинг чиқарилиши фаолиятига рухсат берилди.
