8 ноябрь куни Сурхондарё вилоятининг Денов туманидаги 4Р-100 автомобиль йўлининг 168-километрида иккита Nexia автомобиллари иштирокида ЙТҲ содир бўлган. Бу ҳақда ИИВ ЙҲХББ хабар бермоқда.
Маълум бўлишича, 24 ёшли Д.Р. Nexia автомобилида ҳаракатланиб кетаётганида, қувиб ўтиш қоидаларини бузган ва 34 ёшли Ф.Б. бошқарувида бўлган Nexia билан тўқнашиб кетган. Натижада, Д.Р. бошқарувни йўқотиб, йўл четидаги темир устунга урилган.
ЙТҲ оқибатида автомобилларнинг бирида бўлган йўловчи Г.Т. тан жароҳати олиб, шифохонага ётқизилган.
Мазкур ЙТҲ юзасидан Денов тумани ИИБ ЙҲХБ ходимлари томонидан суриштирув ҳаракатлари олиб борилмоқда.
