Ўзгидрометнинг маълумотига кўра, бугун ва эртага республика ҳудудининг катта қисмида ёғингарчилик кутилмайди.
Фақат Ўзбекистоннинг жанубий ҳудудларида нам ҳаво массалари айланиб туради, бунинг ҳисобига Самарқанд, Қашқадарё, Сурхондарё вилоятларида баъзи жойларда асосан жадаллиги бироз бўлган ёмғир ёғади, республиканинг тоғ олди ва тоғли ҳудудларида баъзи жойларда ёғингарчилик (ёмғир, қор) бўлади.
Кечаси ҳали совуқ бўлади, ҳаво ҳарорати 0...+5 даража, шимолда -7…-2 даража атрофида бўлади, кундуз куни эса қуёш ҳавони +10…+15 даражагача иситади.
10 ноябрь, чоршанба куни нам ҳаво массаси шимоли-шарқий томонга қараб ҳаракатланади ва республиканинг марказий ҳудудлари бўйича баъзи жойларда кучсиз ёмғир ёғиши эҳтимоли бор. Ҳаво ҳарорати кечалари +3…+8 даража, кундуз кунлари +10…+15 даража атрофида бўлади.
11-13 ноябрда республика ҳудудига Туркманистон ҳудудларидан илиқ ҳаво массалари кириб келиши кутилмоқда. Ҳаво ҳарорати кечалари +3…+8 даража бўлади, кундуз кунлари эса ноябрь ойи ўрталари учун бўлган меъёрий қийматларгача +15…+18 даража, жанубда эса +20…+21 даражагача бўлади.
