Жорий йилнинг 1 ноябрь куни соат 18:00 ларда Қорақалпоғистон Республикаси Амударё тумани ҳудудидан ўтувчи йўлда 43 ёшли ҳайдовчи У.Ю. Lifan юк ташувчи мототциклда ҳаракатланаётиб, кескин ортга бурилиши натижасида орқасидан ҳаракатланиб келаётган 65 ёшли К.Б. бошқарувидаги Nexia билан тўқнашган.
Натижада, Nexia қарама-қарши йўналишга чиқиб кетиб, 58 ёшли Ф.М. бошқарувидаги Isuzu юк автомобили билан тўқнашган.
Тўқнашувлар натижасида, Nexia'даги 61 ёшли А.Р. оғир тан жароҳатлари олиб воқеа жойида ва унинг 2017 йилда туғилган набираси Б.Р. шифохонада вафот этган.
Ушбу автомобиль ҳайдовчиси К.Б. ва яна икки нафар йўловчи оғир тан жароҳатлари билан шифохонага ётқизилган.
Мазкур ЙТҲ юзасидан терговга қадар суриштирув ишлари олиб борилмоқда.
