Олтита хусусий бандлик агентликларининг лицензияси вақтинча тўхтатилди, дея хабар бермоқда Меҳнат вазирлиги Матбуот хизмати.
Қайд этилишича, Меҳнат вазирлигининг тегишли қарорлари билан хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармасида БҲМнинг 8500 баравари (2 млрд 337 млн 500 минг сўм) миқдоридаги маблағларни захира сифатида тўлдирмагани сабабли қуйидаги хусусий бандлик агентликларининг лицензиялари 10 кун муддатга (7 – 17 декабрь) вақтинча тўхтатилди:
— “Mirai recruitment agency хususiy bandlik agentligi” МЧЖ;
— “Reiwa xususiy bandlik agentligi” МЧЖ;
— “Turon world cooperation xususiy bandlik agentligi” МЧЖ;
— “Priority international xususiy bandlik agentligi” МЧЖ;
— “Specialist group xususiy bandlik agentligi” МЧЖ;
— “Jyonan-staff Business xususiy bandlik agentligi” МЧЖ.
