Ўзгидромет хабарига кўра, 21-22 декабрь кунлари Ўзбекистон ҳудудига Каспий денгизи орқали Кавказ ҳудудларидан нам ва совуқ ҳаво оқими кириб келади.
21-22 декабрь кунлари республика бўйлаб айрим жойларда шамол тезлигининг кучайиши кутилмоқда: Қорақалпоғистон, Хоразм, Тошкент, Сирдарё, Сурхондарё, Бухоро, Навоий, Самарқанд, Жиззах, Қашқадарё вилоятлари бўйлаб — секундига 17-22 метргача, баъзи жойларда эса секундига 25-28 метргача кучайиши мумкин.
Андижон, Наманган ва Фарғона вилоятлари бўйлаб эса кучли шамол кутилаётгани йўқ.
21-22 декабрь кунлари республиканинг айрим жойларида ёмғир ёғади, тоғ олди ва тоғли ҳудудларда эса ёғингарчилик кучли бўлиши мумкин.
