Жорий йилнинг 20 декабрь куни Миллий Гвардия Бухоро вилояти бўйича бошқармаси Қўриқлаш бошқармаси сафдор ходимлари Ҳ.А. ва Н.О. ўзларига бириктирилган ҳудудда хизматга жалб қилинади.
Ходимлар "УАЗ" русумли автомашинаси қўриқланадиган ҳудуддаги таъқиқланган қисмидан ҳаракатланиб келаётганини кўриб, тўхташ буйруғини беришган. Аммо, Қоракўл туманида яшовчи 45 ёшли ҳайдовчи А.А. ходимларнинг қонуний талабига бўйсунмасдан ҳаракатланишни давом эттирган.
Натижада, ҳайдовчи Ҳ.A.ни автомашинанинг олд қисми билан қасддан уриб юбориб, воқеа жойидан қочиб кетади. Оқибатда оғир тан жароҳати олган сафдор ходим Ҳ.А. воқеа жойида вафот этади.
Мазкур ҳолат юзасидан А.А. га нисбатан ЖКнинг 97-моддаси 2-қисми "Г" банди билан жиноят иши қўзғатилиб, гумон қилинувчига нисбатан “қамоққа олиш” тарзидаги эҳтиёт чораси қўлланилган.
