Ўзгидромет хабарига кўра, 8 январь куни Ўзбекистоннинг шимолий ҳудудларига, 9 январь куни эса республиканинг барча ҳудудларига Волга бўйи ҳудудларидан қуруқ, лекин нисбатан совуқ ҳаво массаларининг кириб келиши кутилмоқда.
Ҳаво ўзгариб туради, ёғингарчилик бўлмайди. Баъзи жойларга туман тушиши кузатилади. Кечалари ҳарорат бироз салбий қийматларгача пасаяди, кундузи эса +5…+10 даража атрофида бўлади.
Қайд этилишича, бундай ҳарорат фони январь ойининг биринчи ўн кунлигининг охири учун хос.
