Тошкент вилоятида жами 891 та мактабнинг 72 тасида 26 апрель ҳолатига 100 нафар ўқувчи ва 42 нафар ўқитувчида коронавирус инфекцияси аниқланган. Шу сабабли 64 та мактаб тўлиқ, 8 тасида 11-синфлар онлайн таълимга ўтказилди. Бу ҳақда вилоят ҳокимлиги Матбуот хизмати хабар берди.
514 та мактабгача таълим ташкилотларининг 9 тасида коронавирус инфекциясига чалиниш ҳолатлари аниқланган. Шу боис 7 та МТТ тўлиқ, 2 та гуруҳ онлайн таълимга ўтказилди.
Шунингдек, Бўстонлиқ туманидаги 1, 2-сонли касб-ҳунар мактаблари, Чирчиқ тиббиёт техникуми, ЧДПИ академик лицейи, Чирчиқ давлат педагогика Институти, Тошкент давлат Жисмоний тарбия университети, 7-сонли мусиқа ва санъат мактаби, Олмалиқ шаҳридаги МиСИС, И. Каримов номидаги Тошкент давлат техника университети филиалидаги 1 та гуруҳ онлайн таълим режимига ўтган.
