Бугун, 27 январь куни соат 8:06да Юнусобод туманидаги “Анорзор” маҳалласидаги хонадонлардан бирида ёнғин чиқиб, қўшни хонадонларга ҳам ўтиб кетган.
Тошкент шаҳар ИИББ Ёнғин хавфсизлиги бошқармаси бу борада “UzNews.uz” га маълум қилди. Ёнғин бўлаётган ҳудуд соат 8:35 тўлиқ ўраб олинган бўлиб, соат 9:18да эса батамом бартараф этилган.
Ёнғин натижасида 250 кв.м. ёниб кетган ҳамда “Cobalt” автомашинаси ёнганлиги ҳам таъкидланмоқда.
Шунингдек, №38 уйнинг том қисмидаги 10 кв.м. ва №34 уйнинг том қисмидаги 40 кв.м. ҳудудга ҳам ёнғин зарар етказган.
Бундан ташқари маҳаллада истиқомат қилувчи фуқаролардан бирининг соғлиғига ҳам ёнғин натижасида, оғир жароҳат етган.
Ҳозирда ёнғин сабаблари ўрганилмоқда.
