Текширувлар давомида аниқланишича, аввал судланган фуқаро маст ҳолатда такси ҳайдовчисига ҳужум қилган. У “Матиз” русумли автомашинага йўловчи сифатида ўтириб, ҳайдовчини пичоқ билан қўрқитиб, унга тегишли бўлган "iPhone-6" русумли уяли телефонини эгаллаб олган.
Мазкур ҳолат юзасидан Чилонзор тумани ИИБ ҳузуридаги Тергов бўлими томонидан Ўзбекистон Республикаси ЖКнинг 164-моддаси 2-қисми “а” банди (босқинчилик, яъни қурол сифатида фойдаланиш мумкин бўлган нарсаларни ишлатиб, ўзганинг мулкини талон-торож қилиш мақсадида ҳужум қилиш) аломатлари билан жиноят иши қўзғатилган.
Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорлиги текширилмоқда.
