Нуфузли мусобақанинг вазни 49 килограммгача бўлган чарм қўлқоп усталари ўртасидаги беллашувларида қатнашган Ҳасанбой Дўсматов финалгача бўлган жангларда Коста-Рика вакили Робинсон Кастилло Родригес, ҳиндистонлик Амит, колумбиялик Юбержен Мартинесни мағлубиятга учратиб, шоҳсупанинг иккинчи поғонасидан жой олди.
52 килограммгача вазн тоифасидаги боксчилар ўртасидаги баҳсларда Жасурбек Латипов финалга қадар пуэрто-риколик Янкиел Фигуероа Ривер, болгариялик Даниель Асенов, колумбиялик Сейбер Авила ва Жанубий Корея вакили Ким Ин Кюни мағлубиятга учратиб, кумуш медални қўлга киритди.
