UzNews.uz мухбирига Шайхонтоҳур тумани ИИБда берилган хабарга кўра, аввал судланмаган 20 ёшли эркак "Флешка" савдо марказида бўлиб, бошқа бир эркакнинг ишончига кириб, 10 кун ичида 10 дона телефонларни 4910 АҚШ долларига сотиб беришга ваъда берган. Сотувчи телефонларни сотиб, пулларни ўз эҳтиёжлари учун ишлатиб юборган.
Мазкур ҳолат юзасидан 168-модда 3-қисм билан жиноят иши қўзғатилган. Ушбу модда ЭКИҲнинг 400 баробаридан 600 баробаригача жарима тўлашни ёки 8 йилдан 10 йилгача озодликдан маҳрум этилишни ўз ичига олади. Етказилган зарар қопланган тақдирда, озодликдан маҳрум қилиш ёки эркинликдан маҳрум қилиш жазоси қўлланилмайди.
Хавфсизликни таъминлаш мақсадида ҳуқуқбузар суд қарори чиқарилгунича қамоққа олинган.
