Ўзбекистон ҳаво йўлларининг йўловчи самолёти Минск миллий аэропортида учиш-қўниш йўлагидан чиқиб кетди. Бу ҳақда Минск авиакомпанияси Матбуот хизмати хабар берди.
Маълум қилинишича, бугун, 17 январ куни соат 11:45 атрофида кучли қор ва қор бўрони вақтида Ўзбекистон ҳаво йўллари Миллий авиакомпаниясининг "Тошкент-Минск" рейсини амалга ошираётган Airbus А-320 самолёти Миллий аэропортга муваффақиятли қўнган. Бироқ ҳавокемаси ҳаракатланаётганда учиш-қўниш йўлагидан чиқиб кетган.
Самолёт бортида 115 нафар йўловчи бўлган. Дастлабки маълумотларга кўра, қурбонлар йўқ. Ҳодиса оқибатида самолётга зарар етмаган.
