Халқ таълими вазири Бахтиёр Саидов бошчилигида Тошкент шаҳар халқ таълими бош бошқармаси раҳбарияти ва барча туман халқ таълими бўлими мудирлари иштирокида йиғилиш бўлиб ўтди.
Унга кўра, Яшин Султонов Тошкент шаҳар халқ таълими бош бошқармаси бошлиғи вазифасини вақтинча бажарувчи этиб тайинланди.
Тайинловга қадар Яшин Султонов Халқ таълими вазирлиги тасарруфидаги “Ўқув-таълим-таъминот” ДУК директори вазифасида фаолият юритган.
Йиғилиш сўнгида, янги раҳбарга пойтахт мактабларида таълим сифатини яхшилаш, мактаб таълимини ривожлантириш ҳамда намунавий даражага олиб чиқиш борасида тегишли вазифалар юклатилди.
