Шахрилло Маҳмудов ва Абдулло Аслонов туризм ва спорт вазирининг ўринбосари лавозимларига тайинланди. Бу ҳақда вазирлик Матбуот хизмати маълум қилди.
Маълумот учун, Шахрилло Махмудов 2013 йилдан буён Ўзбекистон оғир атлетика федерацияси раисининг биринчи ўринбосари лавозимида фаолият юритган.
Абдулло Аслонов эса 2020 йилдан Олий Мажлиси Қонунчилик палатаси Халқаро ишлар ва парламентлараро алоқалар қўмитасининг аъзоси ҳисобланади.
Вазирнинг зиёрат туризми бўйича ўринбосари Уткир Саидов ва Авазжон Каримов бошқа ишга ўтиши муносабати билан туризм ва спорт вазирининг ўринбосари лавозимларидан озод этилди.
