Навоий вилояти ИИБ Ахборот хизматининг маълум қилишича, Навоий вилояти болалар кўп тармоқли тиббиёт маркази неврология бўлими мудири вазифасида ишлаган К.Р. ўз шаҳвоний ҳирсини қондириш мақсадида бўлимда даволаниш учун ётган иккинчи гуруҳ ногирони Г.И.нинг онаси Т.Л.ни фарзандининг даволанганлиги бўйича бир ярим ой давомида касаллик варақасини бермасдан келган.
У Т.Л.нинг қаршилигига қарамасдан касаллик варақасини бериш учун у билан жинсий алоқа қилишга мажбурлаб келган.
Аммо, вилоят ИИБ ЖҚБ Коррупция ва иқтисодий жиноятларга қарши курашиш бўлими ходимлари томонидан Навоий шаҳар "Гулистон-2" МФЙ 2-уйнинг бешинчи қаватидаги рақамсиз хонадонга К.Р. ўзи билан Т.Л. ни олиб кирган вақтида ушланди.
