Ўзгидромет хабарига кўра, бугун, 4 март куни республика бўйича қуруқ об-ҳаво кутилмоқда. Ҳаво ҳарорати +20...+23 даража, жанубда ва чўл ҳудудларида +25...+27 даражагача бўлади. Фақат Қорақалпоғистонда баъзи жойларда кечга томон ёмғир ёғади.
Дам олиш кунлари республика бўйича баъзи жойларда ёмғир ёғади. Якшанба, 6 март куни шимолда қорга айланиши мумкин. Тоғ олди ва тоғли ҳудудларда ёғингарчилик, баъзи жойларда кучли бўлади. Ҳаво ҳарорати пасаяди ва 5 мартда кечаси +10...+15 даражани, кундузи +13...+18 даражани, 6 мартда кечаси +5...+10 даражани, кундузи +12...+17 даражани ташкил этади.
Илиқ ҳавонинг жадал кириб келиши, сўнгра Кавказ ҳудудларидан нисбатан салқин ҳаво кириб келиши натижасида республика бўйича баъзи жойларда шамол тезлиги 18-23 м/с гача кучаяди ва чанг тўзонлар кузатилиши мумкин.
Қорақалпоғистон Республикаси, Бухоро, Навоий, Самарқанд, Жиззах, Қашқадарё вилоятларининг айрим жойларида шамол тезлиги 25-30 м/с гача кучайиши мумкин.
