Аввалроқ, ижтимоий тармоқларда Тошкент шаҳар "Абдулла Қодирий" метро бекати олдида фуқаролар ўртасидаги жанжал акс этган видео тарқалди.
Шаҳар ИИББ Матбуот хизмати ҳолат юзасидан маълумот берди.
Ҳолат бугун, 12 март куни тахминан соат 17:30 ларда содир бўлган. Аниқланишича, "Абдулла Қодирий" метро бекати олдида жойлашган дўконлардан биридаги сотувчи 1999 йилда туғилган З.Н. собиқ сотувчиси 1999 йилда туғилган М.Ф. билан кийим масаласида ўзаро гап талашиб қолишган.
Уларнинг можаросига М.Ф.нинг онаси 1980 йилда туғилган М.Ф. ва З.Н.нинг синглиси 2003 йилда туғилган З.Д. аралашган. Натижада, бу можаро жанжалга айланиб кетган. Шу ерда бўлган 1998 йилда туғилган Ғ.Л., 1973 йила туғилган В.О. уларни ажратишга ҳаракат қилишган. М.Ф. енгил жароҳат олган.
Ҳолат юзасидан Юнусобод тумани ИИО ФМБ томонидан терговга қадар текширув ўтказилмоқда, якуни бўйича қонуний қарор қабул қилинади.
