Самарқанд вилоятида бир гуруҳ шахсларнинг таркибида олтин моддаси бўлган рудаларни ноқонуний тарзда қайта ишлар ҳолатига чек қўйилди. Бу ҳақда вилоят ИИБ Матбуот хизмати хабар берди.
Пахтачи туманида яшовчи фуқаролар 1982 й.т. С.Ғ., 1992 й.т. Т.А. ва 1997 й.т. Р.Ф.ларнинг яшаш хонадонларида таркибида соф олтин моддаси бўлган тахминан 3,8 тонна руда тошлар ҳамда 3 та тош тегирмонлари, 2 та олтин рудасини тозалашга мўлжалланган "Мойка" ускуналаридан борлиги аниқланиб, холислар иштирокида ҳужжатлар расмийлаштирилди.
Шунингдек, мазкур руда тошларни қайта ишлашда электр тармоқларидан ноқонуний фойдаланиб, 239 млн сўм зарар етказилгани аниқланди.
Ҳозирда юқоридаги шахсларга нисбатан ЖКнинг тегишли моддалари билан жиноят иши қўзғатилиши режалаштирилиб, суриштирув ҳаракатлари олиб борилмоқда.
