"Мозори-Шариф–Кобул–Пешовар" темир йўли лойиҳасининг харитаси Покистон, Ўзбекистон ва Афғонистон томонидан келишиб олинди. Бу ҳақда Покистоннинг The News International нашри хабар бермоқда.
Лойиҳанинг тахминий қиймати 5 млрд доллар. Унинг узунлиги 600 км бўлган темир йўл Марказий Осиё мамлакатлари учун Покистон портларига йўл очади. Бунинг эвазига минтақа товарлари жаҳон океанига тезроқ ва арзонроқ етиб боради.
Аввалроқ, Шавкат Мирзиёев мазкур лойиҳа алоҳида аҳамият касб этишини таъкидлаган эди.
“Термиз – Мозори Шариф – Кобул – Пешовар” т/й қурилиши Покистонни Марказий Осиё билан боғлайдиган, Ўзбекистонни Карачи, Гвадар ва Қосим портларига олиб чиқадиган энг яқин, арзон ва хавфсиз йўлак яратади. Бу темир йўл минтақаларимиз қиёфасини бутунлай ўзгартириб юборади”, - деганди Ўзбекистон раҳбари.
