Кеча, 10 апрель куни Тошкент шаҳар ҳокими Жаҳонгир Ортиқхўжаев Сергели туманида маҳалла аҳолисининг шарт-шароитлари бўйича сайёр қабул ўтказди. Унда шахмат мактаби очиш таклифи билан келган фуқарога Spark совға қилди. Бу ҳақда шаҳар ҳокимлиги Матбуот хизмати хабар берди.
Софдил маҳалласидаги сайёр қабулга келган гапиришда нуқсони бўлган Сирожиддин Зайниддинов исмли фуқаро шахмат мактаби очиш ниятини ҳокимга айтди.
Суҳбат давомида Жаҳонгир Ортиқхўжаев Сергели туманидаги боғ ҳудудида шахмат мактаби очиб берилишини ва уни ўзи юритишини айтди.
Шундан сўнг, ҳоким унга Spark автомобили совға қилди.
"Машина ҳайдашни биласизми? Эртага шу кишига президент номидан Spark совға қилинглар”, - дея топшириқ берди Жаҳонгир Ортиқхўжаев .
Шунингдек, суҳбатда таъкидланишича, у карлар ўртасида икки карра Жаҳон чемпиони ҳамда унинг 35 нафардан ортиқ шогирдлари жаҳон ва Осиё мусобақаларида ғолибликни қўлга киритган. У 2008 йила “Шуҳрат” медали билан тақдирланган.
