Тошкентда 17 ёшли мактаб ўқувчиси муштлашув оқибатида вафот этди. Бу ҳақда шаҳар ИИББ Матбуот хизмати хабар берди.
Маълум бўлишича, 17 апрель куни соат тахминан 18:00 да Сергели туманида жойлашган Интернет клубларнинг бирида 18 ёшли Х.С. 17 ёшли мактаб ўқувчиси И.Ш. билан ўзаро жанжал келиб чиққан.
Келишмовчилик натижасидa, Х.С. вояга етмаган И.Ш.га тан жароҳати етказган. Етказилган тан жароҳати оқибатида ўсмир касалхонада вафот этган.
Мазкур ҳолат юзасидан ЖКнинг 104-моддаси 3-қисми (Қасддан баданга оғир шикаст етказиш) бойича жиноят иши қўзғатилди. Гумонланувчи ушланган, тергов давом этмоқда.
