Аввалроқ, Шавкат Мирзиёев видеоселектор йиғилишида Ўзбекистонда давом эттириш истаги бўлган Украина ОТМдаги ўзбекистонлик талабаларнинг ўқиши соддалаштирилган тартибда кўчириб берилишини айтганди.
Олий ва ўрта махсус таълим вазирлиги Матбуот хизматининг маълум қилишича, мазкур талабаларга Ўзбекистон ОТМларига ўқишини соддалашган тартибда кўчиришга рухсат этилди.
Шу муносабат билан ариза топширган талабалар жорий йил 26 апрелдан ўқишни кўчириш истагини билдирган ОТМ мурожаат қилишлари сўралади.
Бунда, ўқишини кўчиришга рухсат берилган фуқароларнинг ҳужжатларини расмийлаштиришда аввалги йилларда таҳсил олиб, сўнгги йилларда талабалар сафидан четлатилган ёки академик таътилда бўлган фуқароларнинг ўқишини кўчиришга рад жавоби берилади.
