Аввалроқ, ижтимоий тармоқларда болалар боғчасида тарбиячи иккита болани битта ўринга ётқизиб, ўзи бўш ўринга ётиб олгани акс этган видеолавҳа тарқалди.
Ҳолат юзасидан Мактабгача таълим вазирлиги Матбуот хизмати муносабат билдирди.
Аниқланишича, ҳолат Наманган вилояти Поп туманидаги 13-МТМда содир бўлган. Ушбу ҳолат бўйича ўрганиш ишлари олиб борилиб, мазкур тарбиячи ишдан бўшатилган.
Кейинроқ, у фуқаролик ишлари бўйича вилоят судига ишга қайта тиклаш тўғрисида даъво аризаси билан мурожаат қилган. Бироқ суд унинг аризасини рад этган.
