Аввалроқ, ижтимоий тармоқларда Тошкент метросида эркак поезд тагига тушиб кетгани акс этган видеолавҳа тарқалганди. Мазкур ҳолат юзасидан Тошкент метрополитени Матбуот хизмати расмий маълумот берди.
Қайд этилишича, “Олмазор” бекатида 1964 йилда туғилган О.З. метро вагонига тезроқ кириш учун шошилиб бораётган вақтда эҳтиётсизлиги сабаб ҳаракатланишга тайёргарлик кўраётган поезд йўлига тушиб кетди.
Метрополитен ходимлари ҳамда йўловчилари томонидан фуқаро ҳеч қандай тан жароҳатларсиз зудлик билан поезд йўлидан қутқариб қолинган.
