27 июнь куни Москва биржасининг валюта бозорида ўзбек сўмидаги савдолар бошланади, дея хабар беради биржа расмий сайти.
Янгилик бозорнинг профессионал иштирокчилари, уларнинг мижозлари – жисмоний ва юридик шахсларнинг, шу жумладан ташқи иқтисодий фаолият субъектларининг савдо имкониятларини кенгайтиради.
Трейдерлар ва уларнинг мижозлари ўзбек сўми – Россия рубли (UZS/RUB) жуфтлиги учун спот ва своп воситаларидан фойдаланиш имкониятига эга бўлади.
Москва биржасида янги валюталар қаторида арман драми ва Жанубий Африка рэнди ҳам пайдо бўлади.
