ИИВ ЙҲХББ Матбуот хизматининг хабарига кўра, жорий йилнинг 16 ноябрь куни соат 09:15 ларда Тошкент вилояти Зангиота тумани ҳудудидан ўтувчи М-39 автомобиль йўлининг 818-километрида 1981 йилда туғилган З.Ғ. Nexia-2’да ҳаракатланаётиб олдинда қайрилиб олаётган 1995 йилда туғилган И.Р. бошқарувидаги "Камаз" юк автомобилининг шина қисмига тўқнашган.
Зарб оқибатида Nexia-2 автомобилида ёнғин юзага келган.
Ёнғин ўт ўчирувчилар томонидан бартараф этилган. Тўқнашув ва ёнғин натижасида тан жароҳати олганлар йўқ.
Мазкур ҳолат юзасидан туман ИИБ ЙҲХБ ва ФВБ ходимлари томонидан суриштирув ҳаракатлари олиб борилмоқда.
