Қирғизистоннинг Қорасув туманида 5 ёшли қизча столдан йиқилиши оқибатида унинг юзига қайчи кириб кетди. Бу ҳақда мамлакат Соғлиқни сақлаш вазирлигига таяниб, маҳаллий нашрлардан бири хабар бермоқда.
Маълум қилинишича, ҳодиса 9 март куни содир бўлган. Қизалоқ уйида ўйнаётган вақтида столдан йиқилиб тушган. Оқибатда, қизнинг қўлида бўлган қайчи унинг юзига кириб кетган. Шундан сўнг, у зудлик билан шифохонага олиб борилган.
Шифокорнинг айтишича, қайчи қизнинг юзига 6-7 см узунликда кирган. Мураккаб операциядан сўнг қайчи чиқариб олинган.
"Яхшиямки, қайчи йирик артерия томирларига тегмапти, акс ҳолда боланинг ҳаёти жиддий хавф остида қоларди. Ҳозирда қизнинг аҳволи яхши. У касалхонадан чиқишга тайёрланмоқда", - дейилади касалхона берган баёнотда.
