ФВВ Матбуот хизматининг хабарига кўра, бугун, 25 июнь куни соат 19:13 да Тошкент шаҳар Юнусобод тумани 12-даҳасида жойлашган кўп қаватли уйнинг том қисми ёнаётганлиги тўғрисида шаҳар ФВБга хабар тушган.
Қутқарувчилар ҳодиса жойига соат 19:21 да етиб боришиб, ёнғин соат 19:52 да ўраб олинган ва соат 19:55 да бартараф этилган.
Ёнғин натижасида, кўп қаватли уйнинг тахминан 150 кв.м майдонида том қисми ёниб, зарарланган.
Ёнғинни бартараф этишга 4 та ёнғин-қутқарув экипажи 2 та автонарвон жалб этилган.
Ҳодиса оқибатида тан жароҳати олган ва ҳалок бўлганлар йўқ. Ёнғин сабаби ва моддий зарар миқдори аниқланмоқда.
