Жорий йилнинг 10-12 ноябрь кунлари Арманистон пойтахти Ереван шаҳрида самбо бўйича катталар ўртасида жаҳон чемпионати бўлиб ўтди.
Унда Ўзбекистон терма жамоаси 2 та олтин, 1 та кумуш ва 3 та бронза медалини қўлга киритиб, умумжамоа ҳисобида иккинчи ўринни қўлга киритди, дея хабар бермоқда Ёшлар сиёсати ва спорт вазирлиги Матбуот хизмати.
Мусобақада муваффақиятли қатнашган ўзбекистонлик самбочилар тунда Ўзбекистонга қайтиб келишди. Улар Ислом Каримов номидаги Тошкент халқаро аэропортида тантанали равишда кутиб олинди.
