Бош прокуратура ижтимоий тармоқларда 17 ноябрь куни кечаси Андижон туманидаги улгуржи озиқ-овқат бозорида содир бўлган ёнғин бўйича маълумот берди.
Аниқланишича, 2020 йил 17 ноябрь куни соат 21-15 ларда Андижон тумани, Султонобод маҳалласида жойлашган “Ёрбоши водий савдо” МЧЖга тегишли бўлган ошхона ва савдо дўконларининг умумий 692,9 кв/м. қисми ёниб, тахминан 1 млрд сўмлик зарар етказилган.
Ушбу ҳолат бўйича Андижон тумани прокуратураси томонидан ЖКнинг 259-моддаси 2-қисми “б” банди (Оғир оқибатлар келиб чиқишига сабаб бўлган ёнғин хавфсизлиги қоидаларини бузиш) билан жиноят иши қўзғатилган.
Айни пайтда тергов ҳаракатлари олиб борилмоқда.
