ИИВ ЙҲХББ айни вақтда А-373 автомобиль йўлидан ўтган "Қамчиқ" довонида қор ёғаётгани муносабати билан барча йўл ҳаракати қатнашчиларидан белгиланган қоидаларга риоя қилишларини, транспорт воситаси тезлигини меъёридан оширмасдан бошқаришларини сўрамоқда.
Аввалроқ, Ўзгидромет 22-23-октябрь кунлари салқин ҳаво бутун Ўзбекистон ҳудудига тарқалиши, республиканинг барча ҳудудларида булут қоплами ортиши, тоғ олди ва тоғли ҳудудларда айрим жойларда ёмғир ёғиши, баланд-баланд жойларда эса ёмғир қорга айланиши мумкинлиги ҳақида огоҳлантирган эди.
