“Карантин амал қиладиган муддатда коронавирусга чалинган беморлар билан мулоқотга киришадиган, зарарланган беморлар жойлаштирилган объектларда фаолият олиб бораётган шифокорлар, эпидемиологларга ҳар ойда қўшимча 25 млн сўм, ҳамшира ва лаборантларга 15 млн сўм, санитар ходимларга 10 млн сўм ва бошқа ходимларга 5 млн сўм рағбатлантириш тўловлари берилади“, – деди президент пайшанба куни ўтказилган йиғилишда.
Бундан ташқари, беморлар билан ишлаш вақтида коронавирусни юқтириб олган тиббиёт ходимларига 100 миллион сўм миқдорида алоҳида тўлов берилади.
“Ҳурматли тиббиёт ходимлари, ўз ҳаёти ва соғлиғини гаровга қўйиб, пандемия билан курашаётган шифокорлар, ҳамширалар, санитар ходимларга бутун Ўзбекистон халқи номидан чексиз миннатдорлик билдираман“, – деди давлатимиз раҳбари.