Тошкент шаҳар ИИББ матбуот хизматининг хабар беришича, Юнусобод тумани Хасанбой даҳаси Хамкаробод маҳалласида жойлашган «Ягона» чойхонаси ичида икки нафар фуқаро қимор ўйнатётганликлари аниқланиб, улардан 810.000 сўм миқдордаги пуллар ашёвий далил тариқасида баённома асосида расмийлаштириб олинган.
Мазкур ҳолат юзасидан юқорида кўрсатилган шахсларга нисбатан Маъмурий жавобгарлик тўғрисидаги кодексининг 191-моддасига (қимор ва таваккалчиликка асосланган бошқа ўйинларда қонунга хилоф равишда иштирок этиш) асосан маъмурий баённомалар расмийлаштирилган.