Бугун ижтимоий тармоқларда Бухорода бир гуруҳ йигитлар бир йигитни дўппослашаётгани акс этган видеолавҳа тарқалди. Вилоят ИИБ ҳолат юзасидан маълумот берди.
Қайд этилишича, видеолавҳада акс этган ҳолат ҳодиса содир бўлган вақтнинг ўзидаёқ Бухоро шаҳар Ички ишлар органлари фаолиятини мувофиқлаштириш бошқармасида тегишли тартибда қайддан ўтказилиб, ҳодиса содир бўлган жой, вақт ва иштирокчиларнинг шахсига аниқлик киритилган.
Ҳолат юзасидан ЖК.нинг 277-моддаси 3-қисми билан жиноят иши қўзғатилган ва дастлабки тергов ҳаракатлари олиб борилмоқда.
"Тергов натижалари юзасидан қўшимча маълумот берилади", - дейилади хабарда.