Жорий йилнинг 10 август куни соат 10:30 атрофида Қорақалпоғистон Республикаси, Элликқалъа тумани ҳудудидан ўтувчи 4H-155 "Бостан-Сарабий" автомобиль йўлининг 10-километрида ҳайдовчи (Автотранспорт бошқариш ҳуқуқига эга эмас), 1977 йилда туғилган З.Ю. Lacetti автомашинасини бошқараётиб, эҳтиётсизлиги оқибатида қарама-қарши йўналишга чиқиб кетган ва ЙПХ ходими, Н.А.га бириктирилган Nexia-3 хизмат автомобили билан тўқнашган. Бу ҳақда Жамоат хавфсизлиги департаменти Йўл ҳаракати хавфсизлиги хизмати Ахборот хизмати хабар берди.
Ушбу ЙТҲ натижасида, Lacetti автомашинаси ҳайдовчиси З.Ю. олган тан жароҳатлари натижасида шифохонада вафот этган. Шунингдек, ЙПХ ходими Н.А. тан жароҳати олиб шифохонага ётқизилган.
Мазкур ЙТҲ юзасидан Элликқалъа тумани ИИБ ҳузуридаги ТБ томонидан суриштирув ҳаракатлари олиб борилмоқда.