Самарқандда Италия бош вазири ва Шавкат Мирзиёевнинг музокаралари бошланди - фото

Аввалроқ Италия бош вазири Жоржа Мелони Ўзбекистонга келгани ҳақида хабар берган эдик.

Самарқанддаги Конгресс маркази олдидаги майдонда меҳмон шарафига фахрий қоровул саф тортди. Шавкат Мирзиёев олий мартабали меҳмонни самимий қарши олди. Шундан сўнг ҳарбий оркестр икки давлат мадҳияларини ижро этди.

Етакчилар фахрий қоровул сафи олдидан ўтиб, расмий делегациялар аъзоларини қутладилар.

Сўнг олий даражадаги музокаралар бошланди.