Халқ депутатлари Тошкент шаҳар кенгашининг йигирма иккинчи сессиясида 2020-2021 йиллардаги иситиш мавсумини бошлаш масаласи кўриб чиқилди, деб хабар бермоқда пойтахт ҳокимлиги.
Кенгаш қарорига кўра, Тошкент шаҳридаги ижтимоий объектларга 15 октябрдан, кўп қаватли хонадонларга эса 17 октябрдан иссиқлик таъминоти етказиб берилади.
Аввалроқ жорий йилда ҳам ҳаво ҳароратини эътиборга олган ҳолда, иситиш мавсумини барвақт бошлаш бўйича чоралар кўрилаётгани айтилганди.
"Тошиссиққуввати" ДУК иситиш даврининг бир кунига 1 кв.м иситиш майдони учун тариф – 142 сўм миқдорида белгиланганини маълум қилди.
