Самарқандда дўконга камера ўрнатётган икки киши ток уриб вафот этди — видео

Аввалроқ, ижтимоий тармоқда Самарқанд вилоятининг Тойлоқ туманида икки киши ток уриши оқибатида вафот этгани ҳақида видеохабар тарқалди.

"Ҳудудий электр тармоқлари" АЖнинг UzNews.uz'га хабар беришича, ҳодиса 8 июнь куни содир бўлган.

Қайд қилинишича, Тойлоқ тумани "Боғизағон" маҳалласидаги савдо дўконига кузатув видеокамераси ўрнатиш билан шуғулланувчи фирма ишчилари бахтсиз ҳодиса оқибатида вафот этган. Икки нафар ходим иш жараёнида эҳтиётсизлик қилиб, металл нарвонни "Анзур" фидерининг ҳаво электр узатиш тармоғига теккизган. Оқибатда уларни ток урган.

Ҳозир тегишли ташкилотлар томонидан ҳолат бўйича қўшимча тергов ҳаракатлари олиб борилмоқда.