2020/2021 ўқув йилидан бошлаб коллежлар ва техникумларда тайёрлов йўналишлари кесимида тўлов-контракт асосида бир ўқувчини ўқитиш қиймати микдорлари тасдиқланди.
Унга кўра,
– Соғлиқни сақлаш, Педагогика, Бизнес ва бошқарув, Санъат, Ижтимоий таъминот, Хизмат кўрсатиш, Журналистика ва ижтимоий ахборот йўналишлари учун – меҳнатга ҳақ тўлашнинг энг кам миқдорининг 6,2 баробарида;
– Табиий фанлар, Транспорт, Муҳандислик иши, Алоқа ва ахборотлаштириш, телекоммуникация технологиялари, Компьютер технологялари ва информатика, Гуманитар фанлар (телевидение йўналиши) йўналишлари – меҳнатга ҳақ тўлашнинг энг кам миқдорининг 6,0 баробарида;
– Қишлоқ хўжалиги ирригацияси ва мелиорацияси, Қишлоқ, ўрмон ва балиқ хўжалиги, Ишлаб чиқариш ва қайта ишлаш тармоқлари, Архитектура ва қурилиш, Ҳаётий фаолият хафвсизлиги, Қишлоқ хўжалиги техникаси, Ветиринария, Атроф муҳит муҳофазаси йўналишлари – меҳнатга ҳақ тўлашнинг энг кам миқдорининг 5,8 баробарида.
Меҳнатга ҳақ тўлашнинг энг кам миқдорлари оширилганда тўлов-контракт қиймати миқдорлари навбатдаги ўқув семестри бошида мос равишда оширилади.
Маълумот, учун, коллеж ва техникумларда:
– давлат гранти ва тўлов-контракт асосида ўқитилади;
– умумий ўрта маълумотга (11-синф) эга бўлганлар ҳужжат топширишлари мумкин;
– битирувчиларга диплом берилади;
– янги ўқув йили учун коллежларга 77 мингдан ортиқ (давлат гранти - 12 762 та), техникумларга 68 мингдан ортиқ (давлат гранти – 9199 та) ўқувчи қабул қилинади;
– ўқитиш муддати: касблар ва мутахассисликларнинг мураккаблигидан келиб чиққан ҳолда коллежларда 2 йилгача, техникумларда 2 йилдан кам бўлмаган муддат;
– ҳужжатлар қабули 2020 йил 20 октябрга (шу куни ҳам) қадар узайтирилди.
Эслатиб ўтамиз, 2020 йил 9 октябрь ҳолатига меҳнатга ҳақ тўлашнинг энг кам миқдори (МҲЭКМ) – 679 330 сўмни ташкил этмоқда.
